LIPUMA OF AKLAN IA, INC. NAGAHIWAT SANG GENERAL ASSEMBLY

Ang LIPUMA of Aklan Irrigators' Association (IA), Inc. nagahiwat sang General Assembly kag nagpabendisyon sang ila opisina subong nga adlaw sa probinsya sang Aklan.

Ang tuigan nga katilingban gintambongan sang mga katapo nga mga mangunguma kag dinapit nga mga bisita halin sa nagalain-lain nga ahensya kag opisina sang Gobyerno.

Sa pagpamuno kag pagsuporta ni Regional Manager Engr. Jonel B. Borres kaupod ang mga empleyado sang National Irrigation Administration, ilabi na gid sa opisina sang Aklan-Capiz Irrigation Management Office, napatigayon ang pagpatindog sang IA office sang asosasyon agud may lugar sila sa pagtinipon-tipon kag mangin talatapan sang mga miyembro sa pag-implementar sang mga plano kag mga aktibidad sa pagtanum kag pagpatubig.

Ang LIPUMA of Aklan IA, Inc. ginapangunahan sang Presidente nga si Julius Selerio nga malipayon gid kag nagapasalamat sa suporta sang NIA kag iban pa nga mga ahensya kag sa iya kaupod nga mga mangunguma.